ALBISHIRINKU KASUWA: Hukumar SMEDAN Ta Buɗe Shirin "GROWHer Accelerator Program" (Zango na Biyu)

Hukumar Bunƙasa Ƙananan Masana'antu ta Ƙasa (SMEDAN) tana farin cikin sanar da buɗe rajistar shirin GROWHer Accelerator Program na zango na biyu. Wannan shiri ne na musamman da aka tsara domin mata masu kishin ganin kasuwancinsu ya bunƙasa fiye da yadda yake a yanzu.

Wane Ne Shirin Ya Kamata?
Wannan shiri ba na sabbin fara kasuwanci (startups) ba ne, kuma ba na sana’o’in da ba su da rajista ba ne. Shirin na matan da riga suke da kasuwancinsu tabbatacce kuma suke son kai shi mataki na gaba.

Abubuwan Da Masu Nema Suke Bukata (Requirements):

Don samun cancantar shiga wannan shiri, dole ne:

1. Kasuwancin ya kasance mace ce ke jagorantar sa.

2. Kasuwancin ya kasance yana reshe ko tushe a ɗaya daga cikin waɗannan jihohin: Abuja (FCT), Niger, Kaduna, Kogi, Nasarawa, Plateau, ko Benue.

3. Kasuwancin ya kasance yana samun kuɗin shiga (Annual Turnover) akalla Naira Miliyan Huɗu (N4,000,000) a shekara, kuma a sami shaidar hakan.

4. Kasuwancin ya kasance ya kai aƙalla shekaru biyu (2) yana gudana.

5. Dole ne kasuwancin ya kasance yana da rajistar CAC.

6. Samun wasu takaddun shaida (Certifications) na sana'ar idan akwai buƙata.

Fa'idodin Shirin GROWHer:

Idan kika samu nasarar shiga shirin, zaki amfana da:

• Dabarun haɓaka kasuwanci da yadda zaki faɗaɗa shi.

• Horon yadda zaki tsara harkar kuɗi da kuma samun damar tallafi.

• Hanyoyin samun sabbin kasuwanni da abokan tarayya.

• Shawarwari daga ƙwararru da koyo daga wasu ’yan kasuwar (Mentorship).

• Taimako don dorewar kasuwancin a cikin kowanne irin yanayi.

Yadda Za a Nema:

Kada ku bari wannan dama ta wuce ku! Mata masu buƙata za su iya cike takardar neman tallafin ta wannan hanyar:

Hanyar Cike Takarda (Apply Here): Danna nan domin cike fom ɗin

Ranar Rufe Aikace-aikace:
16 ga watan Janairu, 2026.

Kira ga Mata: Wannan babbar dama ce ga dukkan macen da take son ganin kasuwancinta ya zama babban kamfani. Yi maza ki cike fom ɗinki yanzu!