Akwai Albashi Mai Tsoka: Ga masu takardar shaidar kammala Sakandare (SSCE), Diploma, NCE, HND, BSc, BEd, BA, MSc, da Ph.D. An bude shafin daukar ma'aikatan Tattara bayanai (Enumerator) na Gidauniyar Data-Lead Africa

Data-Lead Africa na neman masu tattara bayanai domin wani bincike kan harkar noma a jihohin Kaduna, Kano, Kebbi, Plateau, Cross River, Ondo da Oyo. Aikin zai ɗauki kwanaki 11, kuma ranar rufe rajista ita ce 14 ga Satumba, 2026.

Data-Lead Africa Ta Buɗe Guraben Aikin Tattara Bayanai

Data-Lead Africa ta fara karɓar aikace-aikace daga ƙwararrun masu tattara bayanai domin gudanar da bincike kan harkar noma a wasu jihohin Najeriya.

Wannan aiki ne na wucin-gadi wanda zai gudana a watan Satumba na 2026, na tsawon kwanakin aiki da ba su wuce 11 ba.

Jihohin da ake buƙatar ma’aikata:

• Cross River

• Kaduna

• Kano

• Kebbi

• Ondo

• Oyo

• Plateau

Abubuwan da za a yi

Waɗanda aka ɗauka za su:

• Halarci horon masu tattara bayanai.

• Yi hira da manoma da sauran masu ruwa da tsaki a harkar noma.

• Tattara bayanai da waya ko kwamfutar hannu.

• Yi amfani da manhajoji kamar KoboToolbox, ODK ko makamantansu.

• Ɗauki bayanan GPS idan an buƙata.

• Fassara da rubuta bayanan hira zuwa Turanci.

• Tabbatar da sahihanci da sirrin bayanan da aka tattara.

Sharuɗɗan neman aikin

Masu nema su kasance suna da:

• Digiri ko makamancinsa a fannin Kimiyyar Noma, Tattalin Arziki, Statistics, Data Science, Social Sciences, Development Studies ko wani fanni mai alaƙa.

• Ƙwarewar gudanar da bincike, hira ko tattara bayanai a fili.

• Sanin amfani da KoboToolbox, ODK, Survey Solutions ko makamantan manhajoji.

• Ƙwarewar magana da Turanci da aƙalla harshe ɗaya da ake amfani da shi a jihar da aka nema.

• Damar tafiya zuwa yankunan karkara.

• Wayar Android mai kyau da power bank.

• Damar halartar cikakken horo da aikin fili.

Za a fi ba da fifiko ga masu ƙwarewar yin aiki da manoma, al’ummomin karkara, kungiyoyin bincike, NGOs ko shirye-shiryen gwamnati.

Yadda ake nema

Masu sha’awa su nemi aikin a jihar da suke zaune ko kuma jihar da suke da cikakken sanin al’ummarta, harsunanta, harkokin noma da hanyoyin zirga-zirga.

Ranar rufe rajista:

14 ga Satumba, 2026

Link ɗin neman aikin:

Nemi aikin Data Enumerator a Data-Lead Africa

Muhimmin bayani:

Aikin na wucin-gadi ne kuma waɗanda aka tantance kaɗai za a tuntuba. Mata, matasa da masu buƙata ta musamman suna da damar neman aikin.