Daga SSCE Har Zuwa PhD: An Buɗe LMI Fellowship 2026 Ga Matasa ‘Yan Najeriya — Ga Yadda Za Ku Nema

An buɗe shafin neman shiga LMI Fellowship 2026, wani shiri na musamman da aka tsara domin horas da matasa ‘yan Najeriya masu sha’awar zama shugabanni nagari a harkokin gwamnati, musamman a ɓangaren majalisar dokoki.

Shirin na Legislative Mentorship Initiative (LMI) zai bai wa mahalarta horo mai zurfi, jagoranci daga ƙwararru, ƙwarewar aiki da kuma damar gina alaƙa da mutane masu muhimmanci a harkokin shugabanci da gwamnati.

Waɗanda Za Su Iya Nema

Shirin ya tanadi damar shigar da matasa masu shekaru 21 zuwa 35.

A cikin fom ɗin neman shiga, an tanadi zaɓin matakin karatu daban-daban, ciki har da:

• Primary School Certificate

• Secondary School Certificate (SSCE)

• National Diploma (ND)

• Higher National Diploma (HND)

• Bachelor's Degree (B.Sc, B.A, B.Eng da sauransu)

• Master's Degree (M.Sc, M.A, M.Eng da sauransu)

• Doctorate Degree (PhD)

• Professional Certification

• Sauran takardun shaidar karatu

Me Za a Samu a LMI Fellowship?

Shirin zai gudana na tsawon makonni uku, inda mahalarta za su zauna tare domin samun cikakken horo.

Za a mayar da hankali kan:

• Fahimtar tsarin majalisar dokoki da tarihinta.

• Horon shugabanci bisa kyawawan ɗabi'u.

• Samun jagoranci daga ƙwararrun shugabanni.

• Ƙwarewar aiki da shirye-shiryen bunƙasa sana'a.

• Damar samun internship da wasu damammakin aiki.

• Gina alaƙa da sauran matasa da ƙwararru.

Yadda Za Ku Nema

Masu sha'awar LMI Fellowship 2026 za su cike aikace-aikacen ne ta yanar gizo. Aikace-aikacen ya ƙunshi bayanan mutum, rubuce-rubucen amsa tambayoyi, takardu, bidiyon gabatar da kai da kuma matakin tantance bayanai kafin turawa.

Shafin neman shiga:
https://app.lmi.ng/

Masu sha'awar shirin su tabbatar sun cike bayanansu daidai tare da gabatar da dukkan takardun da ake buƙata.

Ku tura wa ‘yan uwa da abokan arziki domin su ma su amfana da wannan dama.

Ku ci gaba da bibiyar Haskenews.com.ng domin samun sabbin guraben aiki, tallafin karatu, horaswa da sauran damammaki ga matasa ‘yan Najeriya.