AN BUƊE GURABEN AIKI: Ƙungiyar MSF na Neman Medical Data Entry Supervisor

Ƙungiyar Médecins Sans Frontières, wadda aka fi sani da Doctors Without Borders, tana sanar da buɗe gurbin aiki ga ƙwararrun ma’aikata a matsayin Medical Data Entry Supervisor a ofishinta da ke Jihar Kebbi, Najeriya.

MSF ƙungiya ce ta jin ƙai ta ƙasa da ƙasa da ke bayar da agajin gaggawa ga mutanen da yaƙi, cututtuka, ko ibtila’o’in halitta suka shafa, ba tare da nuna bambanci na ƙabila, addini, ko ra’ayin siyasa ba.

Bayanan Aiki

• Matsayi: Medical Data Entry Supervisor

• Wurin Aiki: Kebbi State

• Ranar Rufewa (Deadline): 22 ga Mayu, 2026

Manyan Ayyukan Da Za a Gudanar

• Jagoranci, tsarawa, da kula da ayyukan ma’aikatan shigar da bayanai (Data Entry Officers).

• Tabbatar da tattara dukkan bayanan kiwon lafiya yadda ya kamata, ciki har da bayanan mace-mace, yawaitar cututtuka, da bayanan abinci.

• Gudanar da bincike akai-akai domin tabbatar da inganci da sahihancin bayanan da aka tattara.

• Shirya da gabatar da rahotannin ƙididdiga (statistical reports) ga ƙungiyar likitoci.

• Kiyaye sirrin dukkan bayanan kiwon lafiya da aka tattara.

• Tabbatar da amfani da manhajojin zamani na adana bayanai kamar Epi Info da makamantansu.

Abubuwan Da Ake Buƙata (Qualifications)

• Ilimi: Digiri a fannin Kididdiga (Statistics) ko Kimiyyar Kwamfuta (Computer Science); ko kuma Digiri a fannin Kiwon Lafiya (Medicine/Nursing) tare da ƙwarewa a kididdiga. Samun digirin Masters a Public Health ko Epidemiology zai zama ƙarin fa’ida.

• Gogewa: Aƙalla shekaru biyu (2) na gogewa a fannin sarrafa bayanai (Data Management) da nazarin ƙididdiga.

• Fasaha: Ƙwarewa sosai wajen amfani da Microsoft Office kamar Excel, Word, PowerPoint, da Access.

• Harshe: Iya harshen Turanci yana da muhimmanci; sanin Hausa ko Fulatanci ƙarin fa’ida ne.

Yadda Za a Aika da Aikace-aikace

Masu sha’awar wannan gurbi kuma suka cancanta su aika da takardunsu, wato:

• Wasiƙar neman aiki (Application Letter)

• CV

• Takardun shaidar karatu

• Takardar shaidar NYSC

ta hanyar wannan link ɗin:

https://forms.gle/FXXBftA5x1HLPgJ9A

Muhimman Bayanai

1. Babu Kuɗin Cike Aiki: Tsarin ɗaukar ma’aikata na MSF kyauta ne. Kada ku biya kowa kuɗi; duk wanda ya nemi kuɗi ɗan damfara ne.

2. Daidaito: MSF tana bai wa maza da mata dama iri ɗaya, saboda haka ana ƙarfafa kowa ya nema.

3. Haramcin Aiki Biyu: Ba a amince mutum ya haɗa aikin MSF da wani aiki daban ba (Dual Employment).

4. Tuntuɓa: Waɗanda aka zaɓa kaɗai (shortlisted candidates) ne za a tuntuɓa domin mataki na gaba.

Domin samun sabbin guraben aiki daga manyan hukumomi da ƙungiyoyi, ku ci gaba da bibiyar shafin:

https://haskenews.com.ng