Kotu ta dakatar da babban bankin kasa CBN daga cire harajin hada-hadar kudade

Kotu ta dakatar da babban bankin kasa CBN daga cire harajin hada-hadar kudade

Babbar kotun tarayya dake zamanta a Awka dake jihar Anambra ta bayyana sabon tsarin babban bankin kasa CBN na hana tafiya da kudade wato (Cashless Policy) a matsayin musgunawa al'umma.

CBN dai ya aiwatar da tsarin ne a jihohi 6 tare da birnin tarayya Abuja inda abokan cinikayyar bankuna ke kokawa kan yawan cajinsu kudaden a kowace hada-hada.

Wannan ya biyo bayan karar da wani masanin shari'a a jihar ya shigar a gaban kotu ya na kalubalantar sabon tsarin na CBN yadda ya sabawa sashi na 42 a kundin tsarin mulkin kasar nan.

A na shi bangaren, Lauya mai kare babban bankin Jackson Iragunima ya ce an fito da sabon tsarin ne don saukakawa al'umma bawai don a musguna musu ba.

Source: Freedom Radio Nigeria