Masu SSCE, Diploma, NCE, HND da Digiri Ku Kula! An Buɗe Aikin Data Enumerator a Jihohin Najeriya 36 da Abuja a Cibiyar (CJID), Karkashin Shirin Media in National Election (MiNE)

Cibiyar Centre for Journalism Innovation and Development (CJID), ta hanyar shirin Media in National Election (MiNE), ta buɗe damar neman aikin Data Enumerator a dukkan jihohin Najeriya 36 da Babban Birnin Tarayya Abuja (FCT).

Za a ɗauki masu aikin ne domin taimakawa wajen gudanar da wani bincike na ƙasa baki ɗaya da zai tattara ra’ayoyin ’yan Najeriya gabanin zaɓen 2027. Binciken zai mayar da hankali kan ra’ayoyin jama’a, halayen masu zaɓe, amincewa da tsarin dimokuraɗiyya, yadda ake kallon ayyukan gwamnati da halayen jefa ƙuri’a.

Waɗanne mutane za su iya nema?

Damar a buɗe take ga mutanen da ke da sha’awar bincike, tattara bayanai, gudanar da safiyo da aikin al’umma.

Mai nema dole ne ya kasance yana zaune a ɗaya daga cikin gundumomin Sanata uku na jihar da yake neman aiki, kuma ya kasance yana iya gudanar da aikin tattara bayanai a yankinsa.

Abubuwan da Data Enumerator zai yi

Waɗanda aka zaɓa za su:

• Halarci horo ko taron bayani kafin fara aiki.

• Tattara bayanai daga mutanen da suka cancanta.

• Bi tsarin binciken da ƙungiyar ta tsara.

• Tattara bayanai cikin gaskiya da daidaito.

• Kare sirrin bayanan mahalarta.

• Kai rahoton matsalolin da suka taso yayin aikin.

• Yi amfani da kayan aikin tattara bayanai da aka tanada.

Ranar Ƙarshe

Ranar Laraba, 23 ga Satumba, 2026 ce ranar ƙarshe ta neman aikin.

Yadda ake nema

Masu sha’awar aikin za su iya cike fom ɗin neman aiki ta hanyar Google Form da aka tanada.

Danna nan domin cike fom ɗin neman aikin Data Enumerator

Muhimmi: Mai nema ya tabbatar ya zaɓi jihar da kuma yankin da yake zaune a halin yanzu, domin shirin ya buƙaci masu nema su kasance mazauna yankin da za su gudanar da aikin.