Kamfanin SoCha LLC Na Neman Masu Tattara Bayanai (Enumerators), sa-ido, da tantance sakamako (Monitoring, Evaluation, and Learning – MEL)

Kamfanin SoCha LLC, wani babban kamfani ne na ƙasa da ƙasa da ke gudanar da ayyukan bincike, sa-ido, da tantance sakamako (Monitoring, Evaluation, and Learning – MEL). A yanzu haka, kamfanin yana tattara sunayen ƙwararrun ma’aikata a Najeriya (National Roster) domin gudanar da ayyukan sa-ido (Third-Party Monitoring – TPM) a nan gaba.

Kamfanin SoCha LLC yana gudanar da ayyukansa a ƙasashe daban-daban na duniya, inda yake samar da ingantattun bayanai domin tallafa wa ƙungiyoyin agaji da ci gaban al’umma wajen yanke shawara mai inganci, musamman a yankunan da ke fama da rikice-rikice.

Guraben da Ake Buƙata:

Ana neman ƙwararrun mutane domin cike waɗannan guraben:

• Masu Tattara Bayanai (Enumerators)

• Masu Sa-idon Ayyukan Fili (Field Monitors)

• Shugabannin Masu Bincike (Field Supervisors)

• Masu Gudanarwa na Jihohi (State Coordinators)

• Masu Tantance Ingancin Bayanai (Data Quality Specialists)

Lura: Ana ba da fifiko ga waɗanda suka taɓa aiki a jihohin Arewa maso Gabas, Arewa maso Yamma, da Arewa ta Tsakiya, musamman a jihohin Borno, Adamawa, da Yobe.

Muhimmiyar Sanarwa:

Wannan ba aikin dindindin ba ne kai tsaye. Tsarin tantancewa ne kawai (Pre-qualification Roster). Idan ka yi nasarar shiga cikin wannan jerin, kamfanin zai iya tuntuɓarka idan buƙatar aikin bincike ta taso a yankinka.

Ayyukan da Za a Gudanar:

Waɗanda aka zaɓa za su iya gudanar da ayyuka kamar haka:

• Ziyartar wuraren da ake gudanar da ayyukan agaji domin tabbatar da yadda ayyuka ke gudana.

• Tattara bayanai ta hanyar hira da mutane da kuma lura kai tsaye.

• Tabbatar da cewa tallafi yana isa ga waɗanda suka dace.

• Amfani da manhajojin tattara bayanai kamar KoboToolbox, ODK, ko SurveyCTO.

• Ɗaukar hotuna da bayanan taswirar wuraren aiki (GPS locations).

• Rubuta rahotanni cikin tsari tare da miƙa su a kan lokaci.

• Kiyaye sirrin bayanai da mutunta haƙƙin mutanen da ake gudanar da bincike a kansu.

Abubuwan da Ake Buƙata:

• Samun gogewa a aikin tattara bayanai, binciken fili, ko ayyukan agaji (NGO).

• Fahimtar yanayin yankunan da ke fama da rikici ko wuraren da ke da wahalar shiga.

• Iya magana da rubutu da Turanci; sanin Hausa, Kanuri, ko sauran yarukan yanki zai zama ƙarin fa’ida.

• Samun gogewa a fannoni kamar WASH, Health, Nutrition, ko Protection.

• Iya amfani da wayoyin Android da manhajojin tattara bayanai.

• Kasancewa da wayar Android mai kyau, power bank, da damar amfani da intanet.

Nau’in Aiki:

• Aikin kwangila na ɗan lokaci (Short-term Consultancy).

• Aikin fili ko kuma daga nesa (Remote), gwargwadon yanayin aikin.

Yadda Za a Cike:

Masu sha’awar shiga cikin wannan jerin ƙwararrun ma’aikata na kamfanin SoCha LLC za su iya cike fom ɗin neman aikin ta hanyar latsa adireshin da ke ƙasa:

Hanyar Cikewa (Link):
https://forms.gle/uzBK27L921K8Gp4K8

Kamfanin SoCha LLC ya bayyana cewa waɗanda aka tantance ne kaɗai za a tuntuɓa domin mataki na gaba.

Domin samun sabbin guraben aiki a kowace rana, ku ci gaba da bibiyar shafinmu na Haskenews.com.ng.