Shirin TVET 2026: Yadda Za a Cike da Zaɓar Cibiyar Horarwa [Alawus Na ₦22,500 Kowane Wata]

Gwamnatin Tarayya ta sake buɗe rukunin na biyu (Second Phase) na shirin TVET. Wannan wata babbar dama ce ga matasan Najeriya don koyon muhimman sana'o'in hannu da kuma samun tallafin alawus na ₦22,500 kowane wata.

Idan kuna son cike wannan tallafi amma ba ku san yadda za ku zaɓi cibiyar horarwa (training center) ba, wannan jagoran zai taimaka muku daki-daki.

Game da Shirin TVET:

Shirin TVET wani shiri ne na gwamnati da aka tsara don taimaka wa matasan Najeriya su sami ilimin sana'o'in dogaro da kai, tare da ba su tallafin kuɗi a lokacin horon.

Matakan Zaɓar Cibiyar Horarwa:

1. Shiga Shafin TVET:
   Ziyarci adireshin yanar gizo na: https://www.tvet.education.gov.ng/

2. Danna "Apply Now":
   Yayin da shafin ya buɗe, tafi ƙasa ka danna maballin “Apply Now”.

3. Yin Rajista ko Shiga (Login):
   Idan ka riga ka cike a baya, shiga (Login) kawai za ka yi. Idan kuma sabon mai nema ne, sai ka buɗe sabon asusu (Register).

4. Amincewa da Ƙa’idoji:
   Wani saƙo zai bayyana. Karanta sannan ka danna “I Agree” (Na amince).

5. Cike Bayanan Kai:
   Shigar da adireshinka, Jiha (State), Ƙaramar Hukuma (LGA), imel, da lambar wayarka. Sannan ka danna “Proceed”.

6. Zaɓar Sana’a da Amsa Tambayoyi:
   Zaɓi sana’ar da kake son koya sannan ka danna “Proceed”. Horon yana ɗaukar tsawon watanni 6 zuwa 12 dangane da sana'ar.
   Daga nan zaka amsa tambayoyi guda uku:

   • Matakin gwanintarka: Zaɓi “Average”.

   • Yawan amfani da sana'ar: Zaɓi “Occasionally”.

   • Dalilin koyon sana'ar: Misali “To improve my skills” ko “To grow my business”.

   • Danna “Proceed”.

7. Zaɓar Cibiyar Horarwa:
   Wasu cibiyoyin ƙila ba za su fito ba nan take. Idan hakan ta faru, gwada sauya sana'ar da ka zaɓa, ko sauya Jiha, ko Ƙaramar Hukuma har sai ka ga cibiyoyin da suke buɗe sun bayyana. Misali, akwai cibiyoyin da suke buɗe a halin yanzu a jihohin Lagos, Zamfara, da Borno.

Idan kun bi waɗannan matakan, za ku iya samun nasarar cike fom ɗinku da zaɓar cibiyar da ta dace da ku.

Kada ku karaya, ku ci gaba da gwada hanyoyi daban-daban har sai kun samu nasara. Shirin TVET dama ce mai kyau don haɓaka sana'a da samun tallafin kuɗi.