Gwamna Dikko Radda Ya Amince Da Ɗaukar Sabbin Malamai 2,158 A Jihar Katsina (Hanzarta Duba Yadda Zaka Cike)

Wani babban albishir ya fito daga fadar gwamnatin Jihar Katsina, inda Mai Girma Gwamna, Malam Dikko Umar Radda (PhD, CON), ya ba da gagarumin amincewa na ɗaukar sabbin malamai kwararru guda 2,158 domin inganta fannin ilimi a faɗin jihar.

Wannan yunƙuri na ɗaya daga cikin manufofin gwamnatin jiha na tabbatar da cewa ɗaliban makarantun gwamnati sun samu ingantaccen ilimi tare da rage ƙarancin malamai a azuzuwa.

Rabon Guraben Aikin:
An raba guraben aikin kamar haka:

• Malaman Firamare (Primary Schools): 1,500

• Malaman Sakandare (Secondary Schools): 658

Sharuɗɗan Neman Aikin:

1. Ɗan Asali: Wannan dama ta mutanen da suke 'Yan Asalin Jihar Katsina ce kawai.

2. Kwarewa: Dole ne mai nema ya kasance yana da kwarewa da takardun karatu da suka dace da fannin koyarwa.

3. Zaɓin Makaranta: Mai nema zai zaɓi makarantar da yake son yi wa aiki da kuma darasin (subject) da zai koyar a cikin shafin neman aikin.

Muhimman Bayanai:

• Jarrabawa: Waɗanda suka cika sharuɗɗan da ake bukata ne kawai za a gayyata domin yin jarrabawa ta kwamfuta (CBT Test).

• Gargaɗi: Mutum ɗaya bai da damar cike fom fiye da sau ɗaya. Yin aikace-aikace fiye da sau ɗaya (multiple applications) zai kai ga soke neman aikinka baki ɗaya.

• Ranar Rufe Shafin: Za a rufe shafin neman aikin a ranar 10 ga watan Afrilu, 2026.

Yadda Za A Cike (Method of Application):
Idan kana da sha'awar wannan aiki kuma ka cika sharuɗɗan da aka lissafa, zaka iya ziyartar shafin neman aikin na hukumar ilimi ta Jihar Katsina ta wannan mahadar (link) dake ƙasa:

👉 Danna Nan Domin Cikewa: https://katsinasemis.com/jobs

Hanzarta cike naka yanzu kafin lokaci ya ƙure, sannan ka raba wannan labari ga wasu kwararrun 'yan uwa da abokai domin su ma su amfana da wannan babbar dama ta Gwamna Dikko Radda.