Karin Magana - Hausa

 Karin Magana- Hausa

A

• A bakin tsoho goro kan tsufa
• A bakin wawa ake jin Magana
• A bari ya huce shi ke kawo rabon wani
• A bar kaza cikin gashinta
• Abin ba dadi, mahaukaci ya tauna kasha
• Abin bai dace ba, an ga Malami da gatari
• Abinda babba ya gani a zaune, yaro ko ya hau rimi ba zai gan shi ba
• Abinda ruwan zafi ya dafa, in an hakura, ruwan sanyi ma saiya dafa
• Abinda ya bata a duniya in an je lahira a ganshi
• Abin da ya kori bera ya fada wuta, yafi wutar zafi
• Abin da sake, an bai wa mai kaza kai
• Abin da sake an bai wa mai rogo bawo
• Abin da yawa, mutuwa ta je kasuwa
• Abin da Allah Yayi, Annabi sai ceto
• Abinda sauki, mutuwar bako a gari
• Abin da ka gani a gidan Kaura yana na Goje
• Abin da zuciya ya dauka, gangan jiki ma dole ya dauka
• Abin da baki ya daura, hannu bay a kwancewa
• Abin mamaki, mai karfi na bara
• Abin mamaki furar sayarwa a akushi
• Abin mamaki kare da tallan tsire
• Abin mamaki mai gari gwauro talaka da mata hudu
• Abin mamaki bay a karewa, rakumi ya shiga kuratandu
• Abin mamaki matar falke ta haifi jaki
• Abin nema ya samu, matar dan doka ta haifi barawo
• Abin nema ya samu, matar falke ta haifi jaki
• Abokin kirki ya fi mugun Dan uwa
• Abokin cin mushe ba’a boye mashi wuka
• Abin mamaki baya karewa, rakumi ya shiga kuratandu
• Abin nema ya samu, matar dan sanda ta haifi barawo
• Abin ya girma, kashe kwarkwata da tabarya
• Abin rabo ne, kuturu ya kama tarwada
• Abin fada na mai baki ne
• Abu a rufe mai raba zumunci
• Abu kamar wasa, karamar Magana ta zama babba
• Abu uku su ne maganin zaman duniya, tawakkali, dangana da hakuri
• Abu namu maganin a kwabe mu
• A bugi juji domin a ji karar gwazarma
• Abokin kirki ya fi mugun dan uwa
•  Abokin sarki, sarki ne
• Abokin kuka ake gaya wa mutuwa
• A ci baa sayar ba, kwai ya fi doki
• A ci a rage, shi ne ci
• A cikin ido ake tsawurya
• A daga sama an yi wa wada sata
• A dafa a daka a tankade sai kalwa
• A dade ana yi sai gaskiya
• Adinga zuwa rafi wata rana a fasa tulu
• A duke ka a hana ka kuka
• Addu’a maganin annoba
• A dubi ruwa a dubi tsaki
• A jamu akai an ba uwar makaho kasha
• A jefar da kwallon mangwaro a huta da kuda
• A gayawa wani riginginin farin wata, agola kafi masu gida
• A aiki kare ya aiki wutsiya
• Aiki da hankali yafi aiki da agogo
• Aikin bakon raggo, raggo bakon aiki
• Aikin banza hutun jaki da kaya
• Aikin banza jefa agwagwa a ruwa
• Aikin banza zani da aljuhu
• Aikin banza bille a ciki
• Aikin banza talaka ya grime sarki
• Aikin banza yin kiba a kunne
• Aikin banza kiwon makahon kare
• Aikin banza kare da gudun laya
• Aikin banza sauri ba wurin zuwa
• Aikin banza makaho da waiwaye
• Aikin banza harara a duhu
• Akuya ko bata haihuwa tafi kare
• Akuya tayi wayo da yankakken kunne
• A kan wanke tukunya domin tuwan gobe
• Allah ke gyara tuwon makauniya har a ci ba kuda ba gashi
• Allah ke ci da maraya ko da mai uba bai so ba
• Allah suture bukwi in ji kishiyar mai doro
• Allah gatan kowa
• Allah na taimokon wanda ya taimaki kanshi
• Allah shi ke baiwa maraya ko da mai uwa bai so ba
• Allah Ya ci da na gari ba mugu ba
• Allah Yayi aure da mara kwabo
• Allah Ya gyara rimi cediya ta daina fushi
• Allah Ya wadarai naka ya lalace rakumin dawa yaga na gida
• Allah Ya kai yaro matsiyin babba
• Allah Ya bamu lafiya baba yaga tsirara
• Allah Ya kai damo ga harawa ko bai ci ba yayi birgima
• Allah Ya ba na zaune albarkacin na tsaye
• Allah Ya tsare gatari ga noma
• Allah Ya hada mu da mai son mu koda mugune
• Allah Ya fishemu da hawa dokin zuciya
• Allah Ya ba mai rabo sa’a
• Allah Ya hana kunya ranar gaskiya
• Allah Ya kawo kudi talauci ya ji kunya
• Allura a cikin ruwa mai hikima kan tsinta
• Allaura a cikin teku mai daukanta sai mai dace
• Alkawari kayane in a dauka sai an cika
• Alamar rago tana ga daurin bante
• Alamar karfi tana ga mai kiba
• Albarcin kaza kadangare ke shan ruwan kasko
• Albasa bata yi halin ruwa ba
• Alheri gadon bacci ne
• Alheri dan dankone ba ya faduwa kasa banza
• Alheri ne bakon gishiri a shekara ana lashewa
• Alhaki kuykuyo ne mai shi yake bi
• Almajiri tsutsune in ya ci sai ya tashi
• Amfanin abun ado daurawa
• Amfanin sani aiki da shi
• Amarya bata laifi koda ta zagi ‘yar masu gida
• An bar kyau tun ranar haihuwa
• An bar jaki ana dukan taiki
• Anci moriyar gangan an jefar da kware
• An dade ana gafara ga sa ba’a ga kaho ba
• An daga sama anyi wa wada sata
• An ki cin biri an ci dilla
• An raba hankali na biyu ance ya sha fura a je gona
• An rabu ba kare bin damo
• An sha kanwa kwarnafi ya kwanta
• Ana barin halas dan kunya
• Ana babbakar giwa wa ke ta zomo?
• Ana bikin duniya ake na kiyama
• Ana dariya mai tauna kan koshi
• Ana fakewa da guzuma ana harbin karsana
• Ana ganin wuyan biri ake daureshi a kwankwaso
• Ana gudun gara an fada zago
• Ana rabaka da kiwon akuya kana kyalla ta haihu
• Ana rabaka da kaya kana nade gammo
• Ana sara ana duban bakin gatari
• Ana son wawa, haihuwarsa ne ba’a so
• Ana yabon ka sallah, ka kasa alwala
• Ana yi da kai yafi ba’a yi, sarki ya koma mai anguwa
• Ana zaton wuta a makera, sai gashi a masaka
• Annurin fuska kaurin hanji
• An gara jakan mafaurata
• Aci ba’a sayar ba kwai yafi doki
• A cikin ido ake tsawurya
• Anyi asarar kanwa tunda wake ya lalace
• Anyi ba’a yi ba ba ance tsirkiyada fatan kunkuru
• A ramawa kura aniyarta
• Arha cefane kunu daga ruwa sai tsamiya
• Arha kamar jamfa a jos
• Arha maganin mai wayo
• Arha wanzami ya samu kan mai saiko
• A rashin kira Karen bebe ya bata
• A rashin farin wata tauraro ke haske
• A rashin sani kaza ta kwana kan dami
• A rashin sani bako ya sha ruwan wanka
• A rashin tayi akan bar arha
• A rashin tuwo akan ci wake a kwana
• A rashin uwa ake uwar ɗaki
• A ruwa ake dadewa ba a wuta ba
• Arziki rigar kaya kana ja yana ja
• Arziki rigar kaya ga dadi ga suka
• An sha ruwan gwangwala a kara tsayi
• A sa a baka ya fi a rataya
• Asalin birni kauye ne
• A tambayi me kundumi labarin kitse
• A taru a kashe mahaukacin kare
• Ayi wanda za’a yi bera ya zubar da garin kyanwa
• Ayi a hankali kada a sha ruwa da haki
• Ajiya maganin wata rana
• A kwana a tashi jariri ango ne
• A kwana a tashi yaro tsoho ne
• Akwai ranar kin dillaci randa rigar mai gari ta bata
• “A yi abunda za’a yi” ramamme ya zagi maye
• 
  
• B
• Ba sauran waka, an yanke harshen zabiya
• “Ba samun duniya ba” wurin da za’a zauna a ji shine injin dan tsako
• Ba’a bari, a kwashe duka
• Ba’a fasa randar daki ba’a shigar da na waje ba
• Ba’a fafe gora ranar tafiya
• Ba’a fushi da yin Allah
• Ba’a gane kyaun gini sai anyi yabe
• Ba’a gaggawar fara’a
• Ba’a jan ragama da rigima
• Ba’a kada miya tun dawa na rumbu
• Ba’a kin ta mutane ance bazawara ta koma gidan mijinta
• Ba’a kin mutane ance barawo yayi gudu
• Ba’a koyan karatu ran tukuri
• Ba’a sarki biyu a gari daya
• Ba’a shan zuma sai an sha harbi
• Ba’a shan zuma sai da wuta
• Ba’a sayan jaki don a ci sai don daukan kaya
• Ba’a san maci tuwo ba sai miya ta kare
• Ba’a sake wa tuwo suna
• Ba’a shiga sharo ba shanu (mind your business )
• Ba’a raba hanta da jini
• Ba’a riga malam masallaci
• Ba’a raina zakin gwandan daci don ba’a bata ruwa
• Ba’a hada gudu da susan duwawu
• Ba’a hada gudu da susan katare
• Ba’a hana mabada rago fata
• Ba’a karbe wa yaro garma
• Ba’a maida hannun kyauta baya
• Ba’a mugun sarki sai mugun bafade
• Ba’a nunawa kurciya baka
• Ba’a saurin yabon dan kuturu sai ya girma yatsun sa
• Ba’a wasan wuta a gidan kara
• Ba’a wuce makadi da rawa
• Ba’a yi wa biri burtu
• Ba’a yin nitso a masaki
• Ba’a yanka karfe sai da karfe
• Ba bako ruwa ka sha labara
• Baka cin zamanin ka ka ci na wani
• Ba cinya ba kafar baya
• Ba dan tsayi akan ga wata ba
• Ba domin tuwo akayi ciki ba
• Ba dukan ruwan sama ke da wuya ba , ruwan ganye
• Ba fada da malam ba, asari ake tsoro
• Ba gagararre sai bararre
• Ba iya kwanciya aka fi kare ba sai dai abun rufa
• Baka do gadon mutun amma kana da gadon batun sa
• Ba ji ba gani auren kurma da makaho
• Ba maraya sai rago
• Ba mai yi sai Allah
• Bani na kashe zomon ba rataya aka bani
• Ba shiga ba fita an ba mahaukaciya tsaron kofa
• Babban goro sai magogin karfe
• Babban kaya sai gammo
• Bako raba ne, yakan zo ya wuce
• Bako ba sallama wawa ne
• Bakon munafuki bana mutun daya bane
• Bakar inuwa gwamma ranar daki
• Bakin jinin mazuru mai kaza zagi, mara kaza zagi
• Bakin Karen masoyi yafi farin ragon makiyi
• Bakin tukunya mai fidda farin tuwo
• Bakin rijiya ba wajan wasan makaho bane
• Bakin da Allah Ya tsaga baya hanashi abinci
• Baki shi kan yanka wuya
• Balbela baki bin kare sai shanu
• Ban sa a ka ba in ji barawon taguwa
• Banga alama ba, ance wa kuturu ya gama lafiya
• Ba rabuwa da gwani ba, sai dai maida gwani kamar sa
• Bara nayi wake, bana nayi harawa
• Barawon rakumi daga daddawa ya fara
• Barewa baza ta yi gudu ba danta yayi rarrafe
• Bari neman jini ga babe, Allah bai yi shi da jini ba
• Bari murna Karen ka ya kama zaki
• Bashi hanji ne yana cikin kowa
• Ba’a yin rawa ba juyi
• Bayan wuya sai dadi
• Bayan ci zama sai gumi ne
• Ba kullun ake kwana a gado ba
• Ba kira mai ya ci gawayi?
• Ba mutuwan ake tsoro ba, sabo
• Ba wahalalle sai mai kwadayi
• Ba za’a ji mutuwar sarki a baki na ba
• Ba za’a ci kwado da yaro ba sai ya wanke hannunsa
• Baza ka ari bakina ba ka ci mun albasa ba
• Ba zama an saci dan barawo
• Banza a banza kare a karofi
• Banza girman mahaukaci, karami mai hankali ya fishi
• Banza bata kai zomo kasuwa
• Ban ci kasuwa ba, rumfa ba zai danne ni ba
• Barin kashi a ciki baya maganin yunwa
• Bikin faran kaza balbela ba gayya bace
• Bikin magaji baya hana na magajiya
• Bin na gaba bin Allah
• Biri da gatari a gona abin tsoro
• Bishiya mai ‘ya’ya ake jifa
• Biyan bukata yafi dogon buri
• C
• Can ga su gada zomo yaji kiran farauta
• Can kake adon mai gona
• Ciki da gaskiya wuka bata huda shi
• Ciki mai manta kyautan jiya
• Cinikin duniya diban nono
• Cinnaka baki san na gida ba
• Cin wake na yara kumburin cikin manya
• Cin dadi ai sabo ne
• Cin danko harda su kaza
• Cin tuwon kishiya ramako
• Cin loma yafi jiran malmala
• Cin abinci dare daya kumburin ciki
• Ciwon da kare yayi idan dan akuya ne sai wuka
• Ciwon ‘ya mace sai ‘ya mace
• Ciwo ba mutuwa ba sai kwana ya kare
• Cin hakkin sama sai rakumi
• Ci naka in ci nawa, ba rowa bane halin zama ne
• Ci gaban mai ginin rijiya,yana zurfi ana shiga hatsari
• D
• Da ba dan mun san asalin angulu ba, da nace daga masar take
• Da babu gwara ba dadi
• Dabara baya daura kaya sai igiya
• Da biyu an buge biri da rani
• Da biyu an bugi akuyar kishiya
• Da dan gari akan ci gari
• Da dama sarki a bisa jaki
• Da ganin kura kasan zata ci akuya
• Da ganin dan kunama zai yi harbi
• Daga ganin dutsen zuma, kasan daga dadi take
• Daga baya an yi sadaka da bazawara
• Da haka muka fara, kuturu yaga mai kyasbi
• Da itace mai kama ake kota
• Da kamar wuya a gasa kaza a yar
• Da kamar wuya gurguwa da auren nesa
• Da kukan zuci gwara na fili
• Da kyar na kai yafi da kyar aka kamani
• Da na gaba ake gane zurfin ruwa
• Da muguwar rawa, gwamma kin tashi
• Da sanin ango aka yi wa ‘yan buki duka
• Da sannu auduga zai zama zare
• Da sabon gini gwamma yade
• Da sabuwar rijiya gwamma yasa
• Da sauran tsalle an daura wa kwado garwashi
• Da sauran kuka an daurawa jaki kaya ba taiki
• Da tsirara gwara bakin bante
• Da tsohuwar zuma ake magani
• Da rarrafe yaro kan tashi
• Da ruwan ciki ake jan na rijiya
• Da rigimar ciki gwamma na waje
• Da uba ake ado ba da riga ba
• Da wuya ake gane fushin mai tsinin baki
• Da walakin goro a cikin miya
• Da wawanci gwara gidadanci
• Da wasa ake fada wawa Magana
• Da yayyafi kogi kan cika
• Da zafi zafi akan bugi karfe
• Dadi mai sa zabiya guda
• Dadin zama sai bare, wuyar zama sai dan uwa
• Dadin zama ke kawo bege
• Dadi na da gobe saurin zuwa
• Dadin duniya yana tsawo ana kara hallaka
• Dadewa a bauta ‘yanci ne
• Daidai ruwa daidai gari
• Daji ba’a sa mata kyaure
• Daki mai duhu, mara gaskiya ke tsoron shiga
• Dan adam mai wuyan gane hali
• Dan baiwa ‘yar albarka
• Dan banza yashi ne ko an dunkula shi baya dunkuluwa
• Dan hakin da ka raina shi ke tsole maka ido
• Dan kuka mai jawa uwarsa jifa
• Dan kuka baya zama dan tsamiya
• Dan jinjirin jimina gagara shaho dauka
• Dan jinjirin kura, kashe ki tausayi barinki takaici
• Dan tsako samo ki ki dangi
• Dan fari man gyada ne
• Dan kishiya rikon hakuri
• Dan uwa rabin jiki
• Dan masara ana goyon ka kana gemu
• Dami ya tsinke a gindin kargo
• Dama yaya lafiyar kura balle tayi hauka
• Daminan ta za tai kyau, daga bazara ake gane ta
• Daminan bana ba kamar ta bara ba, kwado ya fada ruwan zafi
• Damo sarkin hakuri
• Da na sani keya ce a baya akan barta
• Dattijo baka kukan aski
• Daudar gora kowa zai sha ta
• Dinyar makaho ta nuna a hununsa
• Dillalin wada shi ya san kudin jariri
• Dogayen kunnuwa ba zasu sa ji ba
• Dogaro ga Allah jari ne
• Dole ne a ce wa mijin Iya Baba
• Dole ne zuwa biki da muni
• Dole sai an yi kaciya ga yaro
• Dole ne a bambanta dan duma da na kabewa
• Dole ne a bambanta aya da tsakuwa
• Dole ne a bambanta zare da abawa
• Dole kare ya mutu da haushin kura
• Dole gyada ta yi mai, in ta ki ta sha matsa
• Domin munafuki gari bai kin wayewa
• Don ganin hadari ba a zubda ruwan buta ba
• Don mugun nufi ba a dinkin lifidi
• Dokin mai baki ya fi gudu
• Dokin da na san i ba ya yaki
• Don hannun ka ya rube, ba ka yankewa ka yar
• Don kai ake hula, har kunne ya samu
• Duniya ba gaskiya, barawo ya rasa shaida
• Duniya budurwar wawa
• Duniya mai ido tsakar ka
• Duniya zaman ‘yan marina, kowa da inda ya fuskanta.
• Duniya mace da ciki, ba a san abinda zata haifa ba.
• Duniya juyi-juyi, kwado ya fada ruwan zafi
• Duniya juyi-juyi mai doki ya koma kuturi
• Duniya rawar ‘yan mata, na gaba ya koma baya
• Duniya kamun kifi, kowa ya kamo ya sa a goransa
• Duniya ba lafiya, tunda ba’a kashe mutuwa ba
• Duniya rumfar kara ba ta da wuyar rushewa
• Duniya gidan kashe ahu wanda ya kasha taro yay i barna/zari
• Durkusa wa wada ai ba gajiyawa ba ne.
• Duddugar kaya, ta fi kayar zafi
• Dutsen tsakiyar ruwa bai san ana rana ba
• Duk abin da ya ci doma ba zai bar awai ba
• Duk abin da aka jefa sama, kasa zai fado
• Duk abin da mutum ya shuka shi zai girba
• Duk abinda ya taba hanci, idanu ruwa suke
• Duk abin da lauje ya yanka, ciyawa ne
• Duk abinda ka gani a gidan sarki, ya na kasuwa
• Duk dan da ya hana uwarsa bacci, shi ma ba zai runtsa ba
• Duk daya ne, makaho yayi dare
• Duk daya ne, mara sallah ya je gidan bamaguje
• Duk dadin madi, zuma ta fi shi
• Duk dacin gaskiya shan ta ya fi shan kwaryar zuma
• Duk dukiyar ka, kiyayi mai nema
• Duk in da wani ya tafi tsirara da sanin mai riga ne
• Duk inda ka ga hanya, in ba gari ya nufa ba, rafi ne
• Duk kyan takalmi, sai an taka shi
• Duk mai nashi ba ya kunyata
• Duk mai jinkiri, baya nasara
• Duk mai musun damina, ya saurari kukan kwadi
• Duk mai rai mamaci ne
• Duk nama ne, jakin maguzawa ya mutu
• Duk tashin tsuntsu, sai sama ta ga bayan shi
• Duk wanda bai ji bari ba, ya ji hoho
• Duk wanda yaki ji, ba zai ki gani ba
• Duk wanda ya ce wutar kara ta kwana, shi ya kwana bai runtsa ba.
• Duk wanda ya ga zara, zai ga wata
• Duk wanda ya raina tsayuwar wata, ya hau ya gyara
• Duk wanda yace bayanka na da kashi ka taba goya shi
• Duk wanda yace zai hadiye gatari, a rike masa kota
• Duk wanda yayi zagi a kasuwa, ya san da wanda yake yi
• Duk wanda ya tuna bara, bai ji dadin bana ba
• Duk wanda yake son rawa, ya koya wa dansa kida
• Duk wanda aka gani da tabarma, yana neman wurin shinfida ne
• Duk wanda ya ji haushin duniya, ya gaji da ita ne
• Duk wanda hannunsa ya kirga riba, wataran zai kirga faduwa
• Duk wanda ya daure kura, ya san yadda zai kwance ta
• Duk wanda ya zubar mini da tsamiya, zan zubar masa da nononsa
• Duk wanda yayi maka kan kara, kayi mashi na itace
• Duk wanda yayi noma ya huta da awo
• Duk wanda ya so musanya, ya raina nashi ne
• Duk yadda ake yi da jaki, sai ya ci kara
• Duk zafin tukunya dole a sauke
• Duk zurfin ruwa akwai yashi a ciki
• F
• Fada wurin ban kashi
• Faduwa ta zo daidai da zama
• Fadan da ya fi karfinka, maida shi wasa
• Fadi alheri ko ka yi shiru
• Fata na gari lamiri ne
• Fatara mai tada tsohon bashi
• Farar aniya laya ce, wanda ya zo da bakaya sanya abinsa
• Farin wata raka wawa
• Farin wata sha kallo
• Farin cikin barawo ya sami kofa a bude
• Fawa ta gagari ‘yan fawa, balle ‘yan fince
• Filin sukuwar doki ba  a gurguwar jaka bane
• Fushin masoyi ya fi dariyar makiyi
• Furar jiya ce ta kasa tsami
• G
• Gaba damisa baya sayaki
• Gaba da gabanta, aljani ya taka wuta
• Gaba ta kai ni gobarar titi
• Ga doki har doki, amma kofaton na sakaina ne
• Ga fili ga mai doki
• Ga kanya ta nuna amma biri ya makance
• Ga koshi ga kwanan yunwa
• Ga maciji ba a nuna ja
• Ga mari ka tsinka jaka?
• Gado ba bakon tsirara ba ne
• Gadar zare rashin sani ke sa a bita
• Gadon Ali sai fanna, ramin kura sai ‘ya’yanta
• Gafiya tsira da na babinki
• Gane min hanya, makaho ya so tseg
• Gangara maganin makiyi
• Gangan dutse maratayin zare
• Gani ya kori ji, yadda koko ya fi kunun zaki
• Ga ni ga Allah barawo a hannun mata
• Gani da ido maganin tambaya
• Gani ga wane ya ishi wane tsoron Allah
• Ganin gidan kansa kare ya zagi kura
• Gani ai ba ci ba
• Ganin zumar wani, kada ta sa ka zubar da madacinka
• Ganyen doka daya ya fi na dorowa dari
• Garin banza a farau farau din banza yake karewa
• Garin neman kiba an sami rama
• Garin gudun targade an sami karaya
• Garkuwa mai tare harbi
• Gaskiya daci gare ta
• Gaskiya matakin nasara.
• Gaskiya ta fi tafin hannu cike da zuma
• Gaskiya tafi kwabo
• Gaskiya dokin karfe, duk wanda ya hau ba zai yi nadama ba
• Is it true that the end justifies the means? <> Gaskiya ne kwalliya ta biya kuɗin sabulu? [3]
• Gatari da wuta mai wuyan rataya
• Gero ya saba da ruwa tun ba a surfa ba
• Gidan maki-gudu sai da kara kan nuna
• Gida da yawa maganin gobara
• Gida biyu maganin gobara
• Gindin kura ya saba da raba
• Girma aka fi dauro, ba tsaba ba
• Girman kai rawanin tsiya
• Girma da arziki shi ya sa ake jan sa da abawa
• Girma da arziki ke jan rakumi ba akala ba
• Girma ya fadi, rakumi ya shanye ruwan kaza
• Giwa ta fadi kowa ya yanka rabon sa
• Gobara daga kogi maganin ta Allah
• Guntun gatarinka yafi sari ka bani
• Gudu samun sarari
• Guga ba ki tsoron rami
• Gurgu ya kama barewa mai kafa ya kasa
• Gurnanin damisa Karen gida ke tsoro
• Guda ba a yin ta da yare
• Gwani ba ka arziki sai suna
• Gwanin wani wawan wani
• Gwandar dawa, ga ruwa ga zaki
• Gwamma kwado da gaya
• Gwamma barnar ruwa da na wuta
• Gwano baya jin warin jikinsa
• Gyaran fuska ya fi gyaran gona
• Gyara kayanka ba zai zamo sauke mu raba ba
• H
• Habaicin kura na mai akuya ne
• Hatsari ne abota da wawa
• Hadarin sama maganin mai kabido
• Hadin kai ya fi hadin baki
• Hadin kai shi ne karfi
• Haihuwar guzuma, uwa kwance, da kwance
• Hakorin hatsin tukunya, bas hi da wuyar karewa
• Hakuri maganin zaman duniya
• Hakuri jarin mai shi
• Haka da nade-nade, dan wake ya ga tubani
• Hakorin dariya shi ke cizo
• Hali zanen dutse, ba mai shafewa
• Hali ya rigaya mai horo
• Halin mutum sai Allah
• Halin mutum jarinsa
• Hanci bai san dandanon gishiri ba
• Hankaka kowa ya ga bakin ki, zai ga farin ki
• Hankaka mai da dan wani naki
• Hankali mudu auna shi ake yi
• Hange baya kawo nesa kusa
• Hanya ta fi gata
• Hanyar ruwa gangare
• Hanya mai hada zumuntar dole
• Hana wahala sai Allah
• Hannu da yawa maganin kazamar miya
• Hannu daya ba ya daukan jinka
• Hannun wani bai yi wa wani tagumi
• Hannun Bambara ya fi na dodon gona
• Hangen kitse ake wa rogo
• Hangen dala ba shiga birni ba ne
• Hanyar lafiya a bi ta da shekara
• Hankali ya fi wayo
• Hantsi ba hatsi hatsari
• Harbi gad an jaki gado
• Hassada ga mai rabo taki ne
• Hasken wata baya dai-dai da na rana
• Hausa ai ba dabo ba ce harshe ne
• Hauka dangi-dangi, kowa da irin nasa
• Hauka ja, hular dara ba tuntu
• Haushin kare, ba ya hana kura shiga gari
• Hayaki mai fidda na kogo
• Hayaki ba ya boyewa ko da a gidan marowaci
• Hikima kashin kwance, wanda bai iya ba, bata jikinsa
• Himma ba ta ga rago
• Horo ba kisa ba, gyaran hali ne.
• I
• Icen taba, Allah na ruwa tana bushewa
• Idan kura na maganin zawo ta yi wa kanta
• Idan aka bi salsala, jinin kaska na saniya ne
• Idan aski ya zo gaban goshi ya fi zafi
• Idan basira ta kare wa kare, sai ya daina haushi ya koma tunkuyi
• Idan balbela ta biya, zabuwa ta je da zanen ta
• Ido ba mudu ba, amma ya san kima
• Idan bori gaskiya ne, a fada rijiya
• Idan da alkawari ruwa ba zai ci gwani ba
• Idan da kwadayi da wulakanci
• Idan da rai da rabo
• Idan dajarar kaza ta fadi, har kwan da ke cikinta
• Idan hankali ya bata, hankali ke gane ta
• Idan ido ya mutu kwalli baya tada su
• Idan kai na da tsoka, kowa ya taba ya ji
• Idan kare na sunsunar takalmi, zai dauka ne
• Idan ka ga godiya da sirdi, wani ta kayar
• Idan ka ga baki da jini, na mai gardama ne
• Idan kunne ya ji, gangan jiki ya tsira
• Idan mafadin Magana wawa ne, mai ji ba zai zamo wawa ba
• Idan makaho ya rasa ido, sai ya ce yana wari
• Idan maciji ya sha wuya, in an yi walkiya, sai ya kai sara
• Idan mutum ya je gari, ya ga kowa da jela, shima ya nema ya sa
• Idan wani ya ki ka da wuni wani zai so ka da kwana
• Ido wa ka raina? Wanda na ke gani kullum
• Idan wukarka na da kyau, ba za ka gwada a jikinka ba
• Idan yaro makaho ne, babba mai jagora ne
• Idon da ya ga sarki ba ya tsoron galadima
• Ikon Allah, na zaune ya fadi
• Ikon Allah sai kallo
• Ilimi garkuwan dan adam
• Ilimi gishirin zaman duniya
• Ilimi mai yaye jahilci da duhun kai
• In Allah Ya taimake ka, ka taimaki na baya gare ka
• In Allah Ya ba ka ka gode sai ya kara maka
• In an gaji ko a rana a huta
• In an bi ta barawo, a bi ta ma bi sawu
• In an bugi kura a ka, an kara ma ta karfi ne
• In an ciza sai a hura
• In ana dara, fidda uwa ake
• In ana ta kai ba a ta kaya
• In ana fada ba a duban rauni
• In ana son ka da laifi, ko ruwa ka ashiga sai a ce ka tada kura
• In ajali ya kira ko ba ciwo sai an je
• In ba karamabani ba, me ya kai doki mahauta?
• In ba rami me ya kawo maganan rami?
• In ba ki da gashin wance, me ya sa zaki yi kitson wance?
• In ba ruwanka cikin Magana, ka bi ta da shiru
• In baka shan fura, bari damun ta
• In baka isa ba ka isa da kanka
• In baka son mutum, baka hana shi dariya
• In baka san gari ba, saurari daka
• In ba ka da kudi, me ya sa za ka kira mai alewa?
• In ba ka iya kyauta ba, ka bai wa mai baka
• In bera na da sata daddawa da wari
• In da duniya tana da gaskiya da ba a bar mazari tsirara ba
• In dambu ya yi yawa ba ya jin mai
• In duka yayi yawa, na ka ake tarewa
• In duniya ta ki mutum, sai kunkuru ya tsere wa karensa
• In ganga ta cika zaki, ta kusa fashewa ne
• In gemun dan uwanka ya kama da wuta, shafa wa naka ruwa
• In gemun dan uwanka ya kama da wuta, ka taimaka a kashe
• In gara ta ci tukunya, mai gora ya rataye abinsa
• Ingarma ke gudu, kura sai wahala
• In ka bi daga –daga na kurya kan sha kashi
• In ka ji gora na rawa ba cikakkiya ba ce
• In ka ji gangami da labari
• In ka iya ruwa ba ka iya laka ba
• In ka iya ruwa ba ka iya yashi ba
• In ka na son sauri aiki yaro inda yake so
• In ka na cin kasa, kiyayi ta shuri
• In ka ga kurma na gudu, ka bi shi, ganau ne
• In ka ga dan kunne a rumbu, idan ba a shiga ba an leko
• In ka ga kura da rana, me ya sa za ka bari ta cije ka?
• In ka ga ruwa a ido, daga ka yake
• In ka ga kuda daga dauda ta ke
• In ka ga ki gudu sa gudu bai zo ba
• In ka ga maciji a mike, ba za ka ce zai yi sara ba
• In ka san wata, baka san wata ba
• In ka sha rana wani zai sha inuwarka
• In kasuwa ta ki, sai ka kasa barkono a ce ba yaji
• In kunne ya ji gangan jiki ya tsira
• In kana da kyau ka kara da wanka
• In kida ya sauya, sai rawa ya sauya
• In kwana ya  kare, ba tsimi ba dabara
• In man shanu ya lalace, sai a toya yaki kanshi
• In maye ya manta, uwar diya ba za ta manta ba
• In maciji ya sari mutum, in ya ga tsumma sai ya gudu
• In mai gado ya zo mai tabarma sai ya nade
• In makaho ya ce bai ganin rana, ba ya sauya komai
• In makaho y ace a yi wasan jifa, ya taka dutse ne
• In nayi maka rana, kada ka yi min dare
• In nono na da dadi, bumba na da gardi
• In rakumi da girma, kayansa ma da yawa
• In ruwa yayi ruwa, kunkuru ma wurin fakewa zai nema
• In rana ta fito, tafin hannu baya kare ta
• In sayar da akuya, ta zo tana ci mini danga?
• In ta yi ruwa rijiya, in ta ki masai
• In tukunya ta tafasa, ba ta barin gefe
• In ungulu ta biya bukata, zabuwa ta je da doronta
• In wata ya yi fari a kasa zai nuna
• In za ka gina ramin mugunta, gina shi gajere
• In za ka yi Magana da kurma, sai ka zungure shi
• In zamani ya dinka riga, ta ishi kowa
• Ina akuya za ta da kayan taiki?
• Ina amfanin badi ba rai?
• Ina ruwan kifi da kaska?
• Ina ruwan kallo da gajiya?
• “Ina ji a jika” kabiyar mahauci
• Ina tukunyar damo, ina na guza? Duk daya ne
• Inda ba kasa, nan ake gardamar kokuwa
• Inda biri ya san ashana, da ya kona gari
• Inda aka san darajar goro, ake masa tanadin ganye
• Inda baki ya karkata, nan miyau kan zuba
• Inda ba ci ba sha, ruwa magani ne
• Inda badon wari ba, tafarnuwa ta fi zinari daraja
• Inda fata tafi taushi akan bi ta da jima
• Inuwar giginya, na nesa ke shan sanyinta
• Inuwar bagaruwa ga sanyi ga kaya
• Iska na wahalar da mai kayan kara
• Itatuwa abincin giwa in ta ki ta kwana da yunwa
• Iya rai iya buri
• Iya rai iya gani
• Iya ruwa fid da kai, mai fid da kanshi sai gwani
• Iya yi ci-rani ba miji
• J
• Ja da baya ga rago ba tsoro bane shirin fada ne
• Ja ya fadi, ja ya dauka
• Ja maganin mushen doki
• Jahilci ya fi duhun dare
• Jahilci ya fi hauka wuyar warkewa
• Ji da kai kamar bulalar maye
• Jifan mahaukaci yakan fada wa mai tsautsayi
• Jikan jatau, bakin mutum ya ga fari
• “jiki magayi” shan tabar mai koyo
• Jita-jita karatun bamaguje
• Jimina ko ya yi cara, ba za a kirashi zakara ba
• “jiya ba yau ba” tsohuwa ta ga tatakwashi
• Jinkirin tuba karamin kafirci ne
• Jin labarin gwani, ya fi ganin raggo
• Jin kunyar maras kunya asara ne
• Jumma’a da za tayi kyau tun daga labara ake gane ta
• Jure fari sai tofa
• Juyi tara sai wake
• K
• Ka ki ni dubu su so ni
• Ka so makiyinka, sai ya rasa mafita
• Ka bar ganin griman kuka, bagaruwa Ita ce babba
• Ka da zomo biyu su gaza miya
• Ka da cibi ya zama kari
• Ka da reshe ya juye da mujiya
• Ka da allura ta tono garma
• Kada ka sake ruwa ya cika a wankin kalwa
• Ka da ka yi saka da mugun zare
• Ka da ka riga malam masallaci
• Ka da mage ba yanka ba
• Ka da hangen hadari ya sa a yi wanka da kashi
• Ka da ka zama kanywa uwar gami
• Ka da kunkuru yayi wa bushiya kafa
• Kato da gora maganin zauna gari banza
• “kamar da kasa” inji mai ciwon ido
• Kanari mai dadin kuka, duk wanda ya ji sai ya waiga
• Kadangaren bakin tulu a kashe ki a fasa tulu, a bar ki, ki bata ruwa
• Kaikayi koma kan mashekiya
• Ka kiyayi furfura, ko da ta arne ce
• Kainuwa dashen Allah, ba dashen mutane ba
• Kafa baya zuwa inda zuciya bata so
• Kafar ungulu mai bata miya
• Kafin ka ga biri, biri ya gan ka
• Karfen aska sai zababbe
• Karambanin akuya gaida kura
• Karen bana shi ke maganin zomon bana
• Karfe daya ba ya amo
• Karkatacciyar kuka mai dadin hawa
• Da Kai da kaya, duk mallakan wuya ne
• Kama da wane ba ta wane
• Kara da kiyashi daukar maras sani
• Karen da ba ka ciyar da shi bai jin kiranka
• Karya fure take ba ta ya’ya
• Karatu farkonki madaci karshenki zuma
• Kagara gari ya waye ke kawo tsawon dare
• Karshen lalacewa, namiji da guda
• Kallo ya koma sama, shaho ya dauki giwa
• Kare yayi haushi hakoran shi sun zube
• Kare mai zalama, a ba shi kan giwa
• Kayan nama ba zai kasha kuraba
• Karambanin bako a kori barawo ya kai gudummawa
• Karamin sani kukumi ne
• Karamar zuci, gwauro da turaka
• Karamin goro ya fi babban dutse
• Kasuwa a kai miki dole
• Kashin kare ba ya taki
• Kasha baya samar da jini sai tsoka
• Kazar kwanci me kwakwazo
• Kaza tana taka ‘ya’yanta badon ki ba, sai don suyi kwari
• Kaza mai ‘ya’ya ke tsoron shirwa
• Kaza ba ta da nono, Allah ke ciyar da ‘ya’yanta
• Kere na yawo zabo na yawo watarana a hadu
• Koshin wake na ruwa ne
• Karshen alewa kasa ne
• Karya linzamin shaidan
• Kidan jajibiri  baya tada hankalin kare
• Kitse mugun nama bai nuna ba ya kashe wuta
• Kifi na ganin ka mai jar koma
• Kifin fadama ba ya gasa da na gulbi
• Kishi kumallon mata, in ya motsa sai an haras
• Kibiyar aljali sulke ba ya tsare ta
• Kiwon kai ya fi kiwon dabba
• Ko a kwara da tsibiri
• Ko biri ya karye zai hau rumbu
• Ko ba a gwada ba linzamii ya fi karfin bakin kaza
• Ko ba a yi don mai gayya ba a yi don mai gona
• Ko da girgiza kurna ta fi magariya ‘ya’ya
• Ko da kudinka, sai da rabonka
• Ko da washi gatari ba zai yi wa dutse komai ba
• Ko shamuwa ta sha ruwa ba za ta zama shirwa ba
• Ko gobe ruwa na maganin dauda
• Ko yaro a goye, ya san kura
• Komai dadin karya, gaskiya ta fi ta
• Komai dadin kida shiru ya fi shi
• Komai dadin guda, ba a yi ma asara
• Komai daki ya samu albarkacin kofa ne
• Komai gudun barewa a hannun mai dawa zata kwana
• Komai hasken farin wata, dare abin tsoro ne
• Komai kankantar tsuntsu, ba za a ci shi da gashi ba
• Komai kasaitan agola ba zai yi gado ba
• Komai na duniya kararre ne, ban da ikon Allah
• Komai nisan gari akwai wani a gabansa
• Komai nisan gari, masoyi baya ganin nisan sa
• Komai nisan jifa, kasa zai fado
• Komai nisa dare gari zai waye
• Komai saurin ungwarzoma ta bari a haihu
• Komai wuya da mai  jin dadi
• Komai iya surfe ba za ‘a daka dutse ba
• Komai lalacewar masa, ta fi kashin shanu
• Komai laushin gari ba zai hana a tankade ba
• Komai ramar giwa ta fi Kwando goma
• Komai yawan kitse baya huda hanji
• Koma ya ji ban da barkono a ido
• Komai ya yi farko zai yi karshe, ban dan Idon Allah
• Komai yayi fari yana da nagarta, ban da kurkunu
• Komai yayi zafi, zai yi sanyi
• Komai ya sami shamuwa, watan bakwai ne ya ja masa
• Komai zaka fadi, fadi gaskiya komai ta ja maka ka biya
• Komai zafin abinda kake ci, wuta ta fi shi
• Komai zafin ruwa, yana kasha wutar kara
• Kowa da irin kiwon da ya karbe shi makwabcin mai akuya ya sayi kura
• Kowa da masoyinsa, jaki ya ga toka
• Kowa ya dogara ga Allah, kada ya ji tsoron mahassada
• Kowa ya bar gida, gida ya bar shi
• Kowa ya daka ta rawar wani, ya rasa turmin daka tasa
• Kowa ya daka ta bado, ruwa ya ci shi
• Kowa ya iya allonsa, ya wanke
• Kowa ya ci ladan kuturu dole ya yi mashi aski
• Kowa yayi hakuri za a yi da shi
• Kowa ya ci zomo ya ci gudu
• Kowa ya ce zai kona rumbunsa, ya san inda toka ke daraja
• Kowa ya debo da zafi bakin sa
• Kowa ya hadiye tabarya, ya kwana a tsaye
• Kowa ya raina gajere bai taka kunama ba
• Kowa ya sayi rariya ya san za ta zubda ruwa
• Kowa ya sha inuwar gemu baya makogwaro
• Kowa ya goya kare ya san yadda zai yi da bakin
• Kowa ya tuna bara bai ji dadin bana ba
• Kowa yayi kwalliya ya na son yabo
• Kowa ya kwana lafiya shi ya so
• Kowa ya ga gidanka ka ga nasa
• Kowa ya so uwa, ya so danta
• Kowa yayi da kyau, ya ga da kyau
• Kowa yayi fari  ya gama kyau
• Kowa ya hana ka dakin kwana, dole da safe ya gan ka
• Kowane mai rai ajizi ne
• Kowane kwarya da abokin burminta
• Kowane tsuntsu kukan gidansu yake yi
• Kowane gauta ja ne, sai dai bai ji rana ba
• Kowane bakin wuta da nashi hayaki
• Kosawa da arziki jahilci ne
• Kora da hali ya fi kora da sanda
• Kuturu ba bakon miki ba ne
• Kuda wajen kwadayi a kan mutu
• Kudi masu gidan rana
• Kudin cuta, na mai magani ne
• Kukan kurciya jawabi ne, mai hankali ke ganewa
• Kukan ciki ya bambanta da na gwaiwa
• Kulba na barna ana cewa jaba ne
• Kula da kaya ya fi ban cigiya
• Kuliya manta sabo
• Kunnen giwa ya fi karfin talla
• Kunne ya girmi kaka
• Kura bata san kudin akuya ba
• Kura da shan bugu gardi da kwashe kudi
• Kura, ga tsoro ga ban tsoro
• Kura kin cin naki kin ci na dangi
• Kura ta san gidan mai babban sanda
• Kushe da hasssada ba su hana bawa rabon sa
• Kushewar badi sai badi
• Kwai a baka ya fi kaza a akurki
• Kwace goruba a hannun kuturu ai ba wuya
• Kwaryar kira jure tarkace
• Kwarya ta bi kwarya, in tabi akushi ta fashe
• Kwarya dole ta fito ranar shika
• Kwado ke nan ba da cizon dan kowa
• Kwadayi, mabudin wahala
• Kyaun da, ya gaji ubansa
• Kyaun da, ya fi ubansa
• Kyaun tafiya, dawowa lafiya
• Kyanwa a garin wasu damisa ne
• Kyanwan lami ba kuka ba yakushi
• Kyaun kwado aci da yaji
• Kyauta ba ya hana arziki
• L
• Labarin dare, a tambayi kura
• Labarin gizo ba ya wuce koki
• Labarin zuciya, a tambayi fuska
• Laraba ta bawa ranar samu
• Laifi ba shi da ubangiji
• Laifin wani ba ya shafar wani
• Laifi tudu ne, ka taka naka ka hangi na wani
• Lafiyar namiji gadon bayansa
• Lafiya uwar jiki, babu mai fushi da ke
• Laifin babba rowa, laifin yaro kwiya
• Laifin kura dubu, banda satan akuya
• Lallai, wata sabon gani ne
• Lokacin abu a yi shi
• Linzami da wuta maganin sangartaccen doki
• Linzami ya fi karfin bakin kaza
• M
• Maciyinka ba ya ganin ramarka
• Mafarin hauka, tsirta yawu
• Madoki kusa maciji nesa
• Madugu uban tafiya ne
• Magana ba madogara, yin kwalli da tabarya
• Makaho na da ido amma ba na ganin gari ba
• Magana ba kaya ba ne, in ka yi sai a yi maka
• Maganar fari shi sarki kan kama
• Magana zarar bunu ce, in ta fita ba a mayarwa
• Magana baya fasa kasha, yakan bata zuciya
• Maganin biri, Karen maguzawa
• Magana ai jari ce
• Magori, wasa kanka da kanka
• Mai abin fada ba ya fada
• Mai arziki ko a kwara ya sai da ruwa
• Mai akuya ya bi dare, balle mai kura?
• Mai bunu, bay a zuwa gudummawar gobara
• Mai cinikin shan zuma, in reshe bai karye da shi ba, kwarya ta fashe masa
• Mai cininkin sara, shi ke sanin faduwar gatari
• Mai cinikin karya, yay i biyan gaskiya
• Mai cin dambu, ba a ce masa ga ruwa
• Mai daki shi ya san inda yake zuba
• Mai dan kwikwiyo shi ke da kare
• Mai dokan barci, ya bingire da gyangyadi
• Mai farautar kura, ba ya zuwa da kare
• Mai gyara ba ya barna
• Mai gudun gara ya fada zago
• Mai hali ba ya barin halinsa
• Mai hankali shi ke gane sawun gwauro a kasuwa
• Mai hankali shi ke bai wa kaza ruwa da damina
• Mai hankali shi ke kyautata wa bako
• Mai hankali ke gane furfurar tunkiya
• Mai ido daya ba zai yi nadama ba, sai ya ga makaho
• Mai ido da rami da wuri yake kuka
• Mai ido a ka ba a nuna mashi sama
• Mai kyauta ba ya rasawa
• Mai kyau moran kowa
• Mai kaza a aljihu, ba ya jimirin as
• Mai kaza a akurki ba ya jimirin as
• Mai kaya shi ke tsoron fashi
• Mai karambani shi ke biyan bashin kaka
• Mai laya kiyayi mai zamani
• Mai madi ke talla, mai zuma sai a same shi a saya
• Mai neman gada, in ya ga akuya ya huta
• Mai nema na tare da samu
• Mai roko surukin mai rowa
• Mai rai ba ya rasa motsi
• Mai raina kadan barawo ne
• Mai rabon ganin badi ko ana ha maza ha mata sai ya kai
• Mai rabon ganin badi ko ana ruwan masu, sai ya kai
• Mai rabon shan duka baya jin kwabo sai ya sha
• Mai rawar kai ba ya digirgire
• Mai rigar tsumma baya shiga gonar karangiya
• Mai son kuka, an jefe shi da kashin awaki
• Mai son dan tsuntsu shi ke bin sa da jifa
• Mai tarko baya ta da kara
• Mai takama da madi ya koma shan zuma
• Mai uwa a murhu, ba ya kwana da yunwa
• Mai uwa a murhu, ba ya cin tuwonsa gaya
• Mai waina da ruwa, balle ta samu mai?
• Mai zuciya ake gaya wa biki ba mai kudi ba
• Mai da ruwa rijiya ba laifi ba ne
• Masanin dare duhu ne
• Masu kumatu su ke da yawu
• Masha ruwa magirmi
• Matambayi ba ya bata
• Matar mutun kabarinsa
• Matar na tuba ba ta rasa miji
• Matar shige ba ta daraja
• Matan zamani ba tukwane ba, balle a kwankwasa a ji wanda ta fi kwari
• Mahakurci mawadaci
• Maras gaskiya ko cikin ruwa ya yi jibi
• Maras son jini ba zai je mahauta ba
• Maras kunya ke cin tuwon biki har ya kare
• Makaho bai san ana ganin sa ba, sai an zungure shi
• Maso ganin dare, ya bi kura
• Maso abinka ya fi ka dabara
• Maza gumban dutse ne
• Man kadanya ba zai zauna a tandu ba
• Me ya kai fura zani? In ba kazamiyar damu ba
• Me ya hada kifi da kaska?
• “Me aka yi” an ga mahaukaciya ta shiga rawa
• “Me ake jira” gwari ya yi toshi
• Me iska za ta yi da kayan kara?
• Me na ci na ashan zanyi ramakon azumi?
• “Me zan ce” zanin aro ya kone?
• Me kuturu zai yi da zoben tsintuwa? Sai dai ya ba da cigiya
• Mu tafi a hankali, mu yi guzuri da katon sanda
• Muje mu gani, maganin mai karya
• “Muje zuwa” mahaukaci ya hau kura
• “Mulkin mallaka” biyan bashi da dan kishiya
• Munduwar wuya, ana son zarewa ana tsoron jin ciwo
• Mugu shi ya san kawancin mugu
• Muguwar miya ba ta karewa a tukunya
• Mugun dafi a bar wa macizai
• Mugunta fitsarin fako
• Mun gaji da kyau hali muke nema
• Munafunci dodo yakan ci mai shi
• “Muna wasa ne” gwari ya ba da magani an mutu
• Mummunan farko yakan yi kyakkyawan karshe
• Mutunci madara ne, idan ya zube ba a kwashewa
• Mutunci ya fi kudi
• Mutuwa rigar kowa
• Mutuwar yawa kaka
• Mutuwar uwar adashe ba karshen adashe ba ne
• Mutuwar zuciya gai da makiyi da safe
• Mutuwa karar kwana, fashi barnar aiki
• Mushen gizaka, ta mutu amma ta na ba yara tsoro
• Na shiga ban dauka ba, ba ta fidda barawo
• N
• Naka naka ne, ko ya ci namanka ba zai tauna kashinka ba
• Naci kamar kwarton kusa
• Naci ai damben kuturu ne
• Na taba ki da alheri, kishiya ta taba kishiya da bakin wuta
• Na ji dadi shi ne gari ban a saba ba
• Na gaban wuta shi ke jin duminta
• “na ga abinda ya ishe ni” in ji kishiyar mai mata tara
• Nagari na kowa mugu sai mai shi
• Namiji barkono, sai an dandana ake sanin yajinsa
• Naman sallah ko wanda ba shi da gida zai ci
• Nan gani nan bari farar tumfafiya
• Nasara na wajen Allah
• Na zaune gwanin kokuwa
• Na zaune bai ga gari ba
• “Na zo ke nan” shigar sojan Badakkare
• Noma tushen arziki
• Noma yanke talauci
• Noma na duke tsohon ciniki
• Nuna sani a kasuwar jahilai, wauta ne
• Nuna yatsa, ba shi ake kira nuni ba
• Nuni a cikin nishadi
• R
• Ra’ayi kukan jaki ba a iya hanawa
• Ra’ayi riga, kowa da irin ta sa
• Rabon akuya tsari, farau-farau sai mai gata
• Rabon kwado baya hawa sama
• Rabo ajali ne
• Raba bawa da arziki sai Allah
• Raba da da mahaifi sai Allah
• Raba ni da cusa kai ba kwarjini
• Rai dangin goro ne, ya na son ruwa
• Raina kama ka ga gayya
• Raina da kuna, kaza ta yi shekan dari
• Raon Malam ga kitse, ga arha
• Rago aka sani da tunkuyi ba kare ba
• Rakumin dawa ba’a hawan shi ba a dora masa kaya
• Ramakon gayya tafi ta gayya zafi
• Ramin karya kurarre ne
• Ramin shuka ba zurfi gare ta ba
• Ran sarki ya dade, bay a hana shi mutuwa
• Rana mudun aiki ne
• Rana ba ta karya sai dai uwar diya ta ji kunya
• Ranar wanka ba a boyon cibi
• Ranar yanka ba a boye wuka
• Rashin hakuri shi ya sa ake me aka shuka?
• Rashin sani ya sa makaho taka sarki
• Rashin sani Karen gwauro ya kori bazawara
• Rashin hakurin ‘ya mace, ta haihu a gidan iyayenta
• Rashin sani ya fi dare duhu
• Rijiya ta ba da ruwa guga ya hana
• Rijiyar mai hassada, wawa ke shan ruwanta
• Rijiya gaba dubu, duk wanda ya gina ki ya bai wa Allah
• Rigakafi ya fi magani
• Rigen zuwa fada ba shi ne ganin sarki ba
• Rigen zuwa kasuwa ba shi ne riba ba
• Rimi adon gari
• Rikon mahaukaci sai sarki
• Roki maroki ka ga rokkakiyar rowa
• Rufin asirin mai loma, ka da a yi walkiya
• Runbun tunani bakin ciki ne yakan cika shi da tokar tunanin
• Rumfar kara ba ki boye hayaki
• Ruwa ba sa’an kwanda ba ne
• Ruwa ba ya tsami banza
• Ruwa da dorina da kada bako ke wanka cikinta
• Ruwan dare gama duniya
• Ruwa iya wuya maganin mara son wanka
• Ruwan tsami ba ya kauri
• Ruwa ya kare wa dan kada bai gama wanka ba
• Ruwa shuka ya kauda na sassabe
• Ruwan ido ba zai yi kwaben kasa ba
• Ruwan wuta mai jiran bacin rana
• Rufe ido ba makanta ba ne
• Rufin asiri sai Allah
• S
• Sa’a wanda ta fi manyan kaya
• Sa’a ta fi sammako
• Sabo da yi, guda a gidan mutuwa
• Sabo da yi gawa da gatsine
• Sabo da kaza ba ya hana yanka ta
• Sabo da maza jari ne
• Sai an gwada akan san na kwarai
• Sai an huda kasa akan samu ruwa
• Sa kai, wanda ya fi bauta ciwo
• Sakaina gwanin iya ruwa
• Sai  hali ya yi daidai ake abota
• Sai an ji dadin gwanda ake tanadin irinta
• Sai bango ya tsage, kadangare ke samun wurin shiga
• Sai an sha wuya akan tuna Allah
• Sa rai da ci shi ke kawo jin yunwa
• Sarfa gandun baiwa
• Sarautar Allah, kare a bakin zomo
• Sara da sassaka, ba ya hana gamji tofo
• Sarki goma zamani goma
• Sarkin yawa ya fi sarkin karfi
• Sakin na hannu kama na guje kamun gafiyar baidu
• Sallah ta wuce ta bar wawa da bashi
• Sallah mai biki daya rana
• Samu ya fi iyawa
• Samun shiga, barawo da sallama
• Sama ta yiwa yaro nisa, sai dai ya tada kai ya yi kallo
• Sannu bata hana zuwa sai dai a dade ba a je ba
• Sannu ba ta maganin harbin kunama
• Sanin asali ya sa kare cin alli
• Sanin gaibu sai Allah
• Sanin asirin ciki sai hanji
• Saniya da shafa ake tatsarta
• Sana’a goma maganin gasa
• Sanin darajar toka, ke sa mutum kona rumbunsa
• Sandar girma ba a zunguri da ke sai nuni
• Sandar jifan kura da safe ake dauko ta
• Sandar da aka kori tsiya da ita ba a yarwa
• Sawun giwa ya take na rakumi
• Sauri ya haifi nawa
• Sau daya gyadar makaho ya kone, na biyu ya ci abinsa danye
• Saurin fushi shi ke kawo dana sani
• Sauki, ture zabo kwashe kwai
• Sauki baya hana riba
• Sata a gidan barawo rance ne
• Sata hali ne, mai yinta komai wadata sai ya yi
• Sayen na gari mai da kudi gida
• So duka so ne amma son kai ya fi
• So mai  hana ganin laifi
• Son Allah ya fi taron dangi
• Son kira, kamar bazarawa
• Son kowa, kin wanda ya rasa
• Son jiki kamar gyambo
• Son jiki kamar mage
• Son maso wani cuta ne
• Son zuciya bacin zuciya
• Soyayya gamon jini ne
• Soyayya ta fi kudi
• Shari’a kamar kayan aras take, ba ta son garaje
• Sharia’a sabanin hankali
• Shashanci yin gaba da bako
• Shinfidar fuska ta fi shimfidar tabarma
• Shan ruwa ba ya hana mutuwa
• Shakuwa, mai neman rai
• Shagwaba, tarwada da kukan kishin ruwa
• Shegen kaya, dare akan bi da shi
• Shiru ka ke ji, an aiki bawa garin su
• Shiru ka ke ji, mai kalangu ya fada rijiya
• Shure-shure ba ya hana mutuwa
• Shiga da fita ba ya yi wa azure komai
• Shirin zaune ya fi na tsaye
• Suna linzami ne, mai shi yake bi
• T
• Taba ta bambanta da garin goro
• Tabarmar kunya, da hauka ake nade ta
• Ta faru ta kare, an yi wa mai dami daya sata
• Ta faru ta kare, an bai wa mayya karbar gaisuwan mutuwa
• Ta faru ta kare zanin aro ya kone
• Tafiya da gwani mai dadi, idan gwanin bai lalace ba
• Tafiya mabudin ilimi
• Tafiya sannu kwana nesa
• Tallar turmi ba a sayar ba sai kaya
• Ta Malam ba ta wuce amin
• Tambarin talaka cikinsa
• Tauraruwa mai wutsiya ganinki ba alheri ba
• Takalma lafiyar kafafu
• Takalmin kaza, mutu ka raba
• Takanda ai ba kasha ba ne
• Takaici mai sa babba kuka
• Tashin hankali cire wando ta ka
• Tasha ba ta haihuwa sai yaye
• Ta yaro kayu take ba ta karko
• Tun daga gida, damara ya kwance
• Tulu shi ke yawo, randa na zaune
• Tun ran gini ran zane
• Tunani mai sa amarya kuka
• Tuntuben kashi, idan ba a ji rauni ba rayuwa ta baci
• Tuntuben harshe, ya fi tuntuben kafa zafi
• Tururuwa bata gudun abin kunya
• Turmin tsakar gida sha lugude
• Tsabta cikon addini ne
• Tsakanin Dan Adam da kudi
• Tsintacciyar mage bata mage
• Tsintsiya madaurin ki daya
• Tsautsayin takaba, auren majinyaciya
• Tsalle daya shi ke jefa mutun rijiya
• Tsare gida mutuncin dandi
• Tsoro na daji, kunya na gida
• Tsokanar fada ne an cewa gwauro yaya iyali?
• Tsugune bata kare ba, an sayar da kare an sayi biri
• Tsakuwa a ruwa sai gwani
• Tsuntsun da ya kira ruwa, shi ruwa kan doka
• Tsumagiyar kan hanya, fyadi yaro, fyadi baba
• Tsuntsu mai wayo a wuya ake kama shi
• “To wanka na ke”, mahaukaci ya fada rijiya
• Tuwon kasa ba zai yi maganin yunwa ba
• Tuwon tulu mai wuyan kwashewa
• Tuwon kasa na kare ne, tuwon nama sai kura
• Tuwon girman miyan sa nama
• Turbar sama sai tsuntsu
• U
• Ungulu ba kazar kowa ba ce, don ba a saka ta a akurki
• Ungulu ta koma gidanta na tsamiya
• Uwa ta fi uba, ko da uban sarki ne
• Uwar raggo ake wa barka
• Uwargida sarautar mata
• W
• Wata sabon gani
• Wanda bai ji kunyar hawan jaki ba, ba zai ji kunyar kayar da shi ba
• Wanda bai ci arzikin wani ba sai ya mutu matsiyaci
• Wanda bai sami tarbiya a gida ba duniya za ta koya mashi
• Wanda bai yi sharan masallaci ba, ya yi na kasuwa
• Wanda kunama ya harba, in ya ga kyankyaso sai tsalle
• Wanda rakuminsa ya bata ko akurki sai ya leka
• Wanda ruwa ya ci ko takobi aka bas hi zai kama
• Wanda ya yi nisa ba ya jin kira
• Wanda ya jira kahon kare ya makara
• Wanda ya kai ya komo, shi ke sai da ruwa a kogi
• Wanda ya ci zomo, dole ya yi aman-gashi
• Wanda ya ci zomo, ya ci gudu
• Wanda ya san matsalar abinci, shi ke tanadin hatsi
• Wanda ya ki neman ilimi, jahilci zai kashe shi
• Wanda ya riga ka barci, zai riga ka tashi
• Wanda ya ki shan ruwan kwano, ba zai shiga rijiya ya sha ba
• Wanda ya saba zama a murhu, wataran zai kone
• Wanda ya yi hakuri da kunun maraice, yakan ga tuwon yamma
• Wanda ke inuwa bai san wani na rana ba
• Wanda ya daure kura shi ya san yadda zai kwance ta
• Wandon karfe, kowa ya sa ya kwana a tsaye
• Wanka da gari baya maganin yunwa
• “Wani abu haka”, wai gwanin rawa ya fadi
• Wani ma ya yi rawa balled makadi?
• Wani hani ga Allah baiwa ne
• Wani kaya sai amale, jaki ba zai iya ba
• Wani irin dare ne jemage bai gani ba?
• Wani tsuntsun na gudun ruwa, agwagwa a ciki ta ke kwana
• Wanzami ba ya son jarfa
• Waka bakin mai ita ta fi dadi
• Wake daya mai bata gari
• Wake ya nuna damo  ya makance
• Wai kwana nawa ne? maye yayi amariya
• Waiwaye adon tafiya
• Wargi wuri yakan samu
• Wawa shike rena mafari
• Wayo ya san na ki
• Wayon aci ne aka kori kare daga gindin dinya
• Wukar fiddar giwa ba kaifi gareta ba sai girma
• Wuyar noma kunyar fari
• Wutsiyar rakumi ta yi nesa da kasa
• Wuni da Malami ya fi shekara da jahili
• Wuya mai sa a kwana bayan suruka
• Y
• Yaba kyauta tukwuici
• Yabon gwani ya zama dole ko da makiyi ba ya so
• ‘Yan mata adon gari
• Yara manyan gobe
• Yaro tsaya matsayin ka inka ki ka gane kuren ka
• Yaro ko yana wasa da kare ya kiyayi damisa
• Yaro bai san wuta ba sai ya taka
• Yaro da gari abokin tafiyar manya
• Yaro man kaza, in ya ji rana sai ya narke
• Yaro da rarrafe kan tashi
• Yaro wutar kara ne sai da kulawa
• Yaro a goye bai san nisan tafiya ba
• Yaro ya san kura, da ganin birni ya san ya fi garinsu
• Yaro bata hankalin dare ka yi suna
• Ya kamata kwalliya ta biya kudin sabulu
• Yau da gobe sai Allah
• Yau gareka gobe ga wani
• Yau fari gobe baki birgiman hankaka
• Yautai mugun tsuntsu
• Yawan shekaru ba shine wayo ba
• Yawa mai sa masu zare jan dutse
• Yawan mutune sune kasuwa, ba tarin rumfuna ba
• Yawan gaisuwa ya fi yawan fada
• Yawon dare bana dan akuya ba ne
• Yawon duniya shigar zungurun kadangare
• “Yaya na iya da raina”, mummuna ya ga matar aure
• ‘Ya’an marke kun nuna kun waste
• “Yay azan yi da abin da ya gagari wuta” in ji kishiyar konanna
• Yi nayi, bari na bari, shine aure
• Yi na yi, bari na bari, shine biyayya
• Z
• Zafin nema ba ya kawo samu
• Zancen banza Magana ba iko
• Zancen banza, zakara ya taka wuka
• Zance da dan gari ilimi ne
• Zakaran da Allah ya nufa da cara, ana muzuru ana shaho sai ya yi
• Zakaran ka rakumin ka
• Zakara mai neman suna, bada kwaya ka ci tsakuwa
• Zakara a rataye ba ya cara
• Zalama, a ci kasuwa da kai ka koma kale
• Zalbe mai cinikin kasada
• Zaman duniya hakuri, makiya su fi masoya
• Zaman lafiya ya fi zama dan Sarki
• Zama da munafuki sai dole
• Zama wuri daya tsautsayi, inji kifi
• Zama da madaukin kanwa shi ke kawo farin kai
• Zato zunubi ko da ya zamo gaskiya
• Zarton yankan dutse ba a masa washi
• Zo mu zauna zo mu saba ne
• Zo mu ci tuwo yafi tuwon dadi
• Zomon daji shi ya san hanyar tserewa kare
• Zomo ba ya fushi da makashin sa sai maratayin sa
• Zomo ba ya kamuwa daga zaune
• Zumunta a kafa take
• Zuciya mai sa dana sani
• Zuciya ke gani, ba ido ba
• Zuciyar mutun birnin sa
• Zuwa da wuri, ya fi zuwa da wuri-wuri.
• Subcategories & Pages in category "Karin Magana"
• Subcategories
• This category has only the following subcategory.
• 
  
• R
• Resources/Hausaland Tales from the Nigerian Marketplace
• Pages in category "Karin Magana"
• The following 46 pages are in this category, out of 46 total.
• 
  
• A
• A yi a gama ta fi tak'ama gobe a komai
• B
• bai taka karya ya karya ba
• bayan ci zama tsegumi tafiya rashin kunya
• bbchausa verticals/039 proverbs reflect who we are
• C
• ci maka tuwo a ƙwarya
• D
• da sauran rina a kaba
• Da wasa ake gayawa wawa magana
• duk wanda yayi zagi a kasuwa yasan da wanda yake yi
• G
• garma
• gurbin ido ba ido bane
• gyara kayanka baya zama sauke mu raba
• H
• hakkin da ka raina shi zai tsone maka ido
• Hannu d'aya ba ya d'aukar d'aki
• hannunka mai sanda
• hawa makahon doki
• I
• itacen gidanmu, inuwa na gidan wani
• J
• jari
• Juma'ar da za tayi kyau tun daga Laraba ake ganeta
• justified
• K
• kada a yi tuya a manta da albasa
• kai labari
• kamar da gaske, karuwa taga noman dan koli
• karin magana
• komai ya yi farko zai yi k'arshe
• kowa da mutanensa, jaki ya ga toka
• Kowa ya bar gida, gida ya bar shi
• Kulba na barna ana cewa
• kura ga kwadayi ga tsoro
• kura tana ƙoƙarin ta kai bango
• kwalliya ta biya kud'in sabulu
• M
• Mai ci da uwa, bashi kukan sudi
• mai tarkon tsuntsaye, baya daga kara
• P
• proverbs
• R
• Ranar biyan bukata rai ba abakin komai yake ba
• rigakafi yafi magani
• rijiya tabada ruwa guga tahana
• ruwan dare
• S
• sawun keke ba'a gane gabanka
• T
• taya ni figa, uwar kishiya ta zama kaza
• tsalle daya ake yi a shiga uku, a kuma yi dubu a kasa fita
• tsintsiya madaurinki daya
• tsintsiya maɗaurinki ɗaya
• Tsuntsun da ya ja ruwa shi ruwa kan doka
• W
• Waiwaye adon tafiya
• wuce gona da iri
• Z
• zafin nema baya kawo samu
•