Yadda Za a Cike (How to Apply):Matakai da Hanyoyin Neman Tallafin Gwamnatin Tarayya Na Naira Biliyan 1 Ga 'Yan Kasuwa (₦1M – ₦3M) da aka Buɗe 

Gwamnatin Tarayya ta ƙaddamar da wani babban shiri na tallafin kuɗi har naira biliyan ɗaya (₦1 billion) domin tallafa wa ƙanana da matsakaitan 'yan kasuwa (MSMEs) waɗanda ke da rajistar Hukumar yi wa Kamfanoni Rajista (CAC). Waɗanda suka cancanta za su iya samun tallafin kuɗi tsakanin naira miliyan ɗaya (₦1,000,000) zuwa naira miliyan uku (₦3,000,000) domin haɓaka sana'o'insu, bunƙasa tattalin arziki, da kuma samar da ayyukan yi a faɗin ƙasar nan.

Abubuwan da ake Buƙata (Eligibility):

• Shaidar rajistar kasuwanci (Certificate) mai inganci daga Hukumar CAC.

• Wasu muhimman takardu da suka shafi kasuwancinka.

• Gajeren bidiyo na kusan mintuna biyu (2 minutes) a harshen Turanci, inda za ka bayyana yanayin kasuwancinka, yadda yake gudana, da kuma dalilin da ya sa ka cancanci samun wannan tallafi.

Yadda Za a Cike (How to Apply):

1. Shiga Shafin Rajista:
   Ziyarci shafin yanar gizon neman tallafin a nan:
   👉 https://msmeclinics.gov.ng/award-apply/

2. Cike Fom ɗin Neman Tallafin:

   • Zaɓi Jiharka (State) da Ƙaramar Hukuma (LGA).

   • Zaɓi Rukunin Tallafin da kake nema (misali: Noma/Agriculture).

   • Sanya Lambar Shaidar Haraji (TIN).

   • Rubuta Cikakken Sunanka da Jinsinka (Namiji/Mace).

   • Sanya Adireshin Email da Lambar Waya.

   • Rubuta Sunan Kasuwancinka (MSME Business Name).

3. Ɗora Takardun da Ake Buƙata (Upload):

   • Ɗora bidiyon bayanin kasuwancinka na mintuna 2 (Kada girmansa ya wuce 30MB; sannan ya kasance a tsarin mp4, 3gp, ko MOV).

   • Ɗora takardar shaidar rajistar CAC (CAC Document).

4. Tura Bukatarka (Submit):
   Sake duba bayanan da ka shigar daki-daki don tabbatar da daidancinsu, sannan ka danna maballin "Submit".

Muhimman Bayanai:

• Ba a amince mutum ɗaya ya cike fom ɗin fiye da sau ɗaya ba.

• Waɗanda suka taɓa samun wani tallafin (Award) a baya ba za su iya sake neman wannan ba.

• Tabbatar bidiyonka ya fito fili kuma ya bayyana muhimmancin kasuwancinka yadda ya kamata.

Wannan damar tallafin wani babban mataki ne na ƙarfafa dogaro da kai da kuma bunƙasa kasuwanci a Najeriya. Allah ya ba da sa'a ga dukkan masu nema!